Bugun O‘zbekiston Respublikasi Maktabgacha va maktab ta’limi vazir o‘rinbosari Temurjon Komilov xızmat safari bilan Qoraqalpog‘istonga tashrif buyurdi.
 

Xizmat safarini dastlab Qoraqalpog‘iston Respublikasi umumiy o‘rta ta’lim, maktabgacha va maktabdan tashqari ta’lim tashkilotlarining pedagoglarini attestatsiyadan o‘tkazish jarayonini kuzatishdan boshladi.
 

Shuningdek u, Nukus shahri 1-son va 37-son ayrim fanlar chuqur o‘qitiladigan sinflari mavjud maktablarda va Xo‘jayli tumani 26-son umumiy o‘rta ta’lim maktablarida bo‘ldı. U yerda kasb-hunarga yo‘naltirish maqsadida o‘quvchilar uchun yaratilgan kasanachilik, duradgorlik uchun yaratilgan imkoniyatlar, radiouzel, kutubxona va boshqa sharoitlar bilan yaqindan tanishdi. Darsdan tashqari matematika fani to‘garagidagi o‘quvchilar bilan uchrashib suhbat qurdi.
 

Shuning bilan birga maktab atrofidagi tomorqa yerlarga yaxshi niyat bilan daraxt ko‘chatlarini o‘tkazdi.
 

Uchrashuv davomida pedagog o‘qituvchilar bilan suhbatlashib, maktablarda uchrayotgan masalalar yuzasidan suhbatlashib, qilinishi zarur vazfalar belgilab olindi.