Birinchi qo‘ng‘iroq chalindi

Bugun Nukus shahridagi 54-sonli umumiy oʻrta taʼlim maktabining ochilish marosimi boʻlib oʻtdi .  Ochilish marosimida Qoraqalpogʻiston Respublikasi Maktabgacha va maktab taʼlimi vaziri Guliston Kojabayeva , Nukus shahar maktabgacha va maktab taʼlimi boʻlimi , maktab jamoasi , nuroniylar va OAV vakillari ishtirok etdi.
 

Dastlab tadbirda Qoraqalpogʻiston Respublikasi Maktabgacha va maktab taʼlimi vaziri Guliston Kojabayeva soʻzga chiqib, yoshlarga maktabda yaratilgan imkoniyatlar haqida soʻzlab berdi.Ushbu imkoniyatlardan foydalangan oʻquvchilar kelajakda komil insonlar va va yurtimiz ravnaqi uchun o’z hissalarini qo’shadigan insonlar boʻlishiga umid bildirdi. 
 

Ma’lumot uchun, 54-sonli  umumiy oʻrta taʼlim maktabi 400 oʻringa moʻljallangan boʻlib, Toshkent shahar homiyligi asosida 19 mlrd so‘m mablagʻ ajratilgan boʻlib,  «Gold Star» MCHJ tomonidan qurilish ishlari olib borilgan.