Biz dunyoga chiqishimiz, dunyo bilan muloqotda bo‘lishimiz uchun ayniqsa xorijiy tillarning ahamiyati juda kattadir. Yoshlarimiz qanchalik darajada ko‘p til o‘rganishsa xorijiy tillarni ko‘proq bilishsa ular oldida imkoniyatlar eshigi shunchalik keng ochiladi. Shunday ekan, Amo‘daryo tumanida ham xorijiy tillar bo‘yicha o‘quvchilarga sifatli ta’lim berayotgan xorijiy tillar o‘qituvchilari orasida ilg‘or, tashabbuskor, fidoyi o‘qituvchilarimiz judayam ko‘p.

Shunday ustozlarimizdan biri Amudaryo tuman XTBga qarashli 40-sonli maktabning ingliz tili fani o‘qituvchisi Nurbek Jumaniyazov bo‘lib hisoblanadi. Jumaniyazov Nurbek hozirgi kunda CEFR bo‘yicha B2 va C1 darajadagi sertifikatlar sohibi va 100 % ustamani qo‘lga kiritgan oliy toifali yosh o‘qituvchi.

U o‘z ish faoliyati davomida ko‘plab yutuqlarga erishib kelmoqda. Jumladan 2021-2022 o‘quv yilida variativ sinfi o‘quvchilarining 93% oliy ta’lim muassasalariga o‘qishga qabul qilindi va o‘quvchilari tuman va respublika olimpiadasi bosqichlarida har yili sovrinli o‘rinlarni egallagani uchun Qoraqalpog‘iston Respublikasi Jo‘qorg‘i Kengesi Prezidiumining 2021 yil 29 sentyabrdagi 474-sonli qaroriga muvofiq “WATAN PIDAYISI” ko‘krak nishoni bilan taqdirlandi. 2022 yil dekabr oyida tumanda "BRIGHTON SCHOOL" nomli o‘quv markazi tashkil qildi.

2021-2022 o‘quv yilida 16 nafar, 2022-2023 o‘quv yilida shu kungacha 22 nafar o‘quvchilari CEFR bo‘yicha B2 va C1 darajadagi xalqaro va milliy sertifikatlarni qo‘lga kiritdi. Shunday fidoyi o'qituvchilarimiz  va  o‘quvchilarimizning bunday yutuqlari bugungi kunda e’tirofga loyiq.