Коррупция ҳар қандай давлат ва жамият ривожига жиддий салбий таъсир кўрсатувчи хавфли омил, барча мамлакатларга таҳдид солувчи мураккаб ижтимоий-сиёсий, иқтисодий ҳодисадир. Коррупциянинг ҳар қандай кўринишларига қарши курашишни биз, энг аввало, ўзимиздан бошлашимиз даркор. Бунинг учун эса шахснинг ҳуқуқий онг ва ҳуқуқий маданияти етарли даражада  шаклланган бўлмоғи даркор. Буни ёш авлод онгига чуқур сингдириш, ҳуқуқий билимини ошириш мақсадида Амударё тумани Мактабгача ва мактаб таълими бўлиминниг 2024 йил 29 апрел кунги 544-сонли буйруғи асосида тумандаги умумий ўрта таълим мактаби юқори синф ўқувчилари иштирокида 82-сонли умумий ўрта таълим мактабида "Биз коррупцияга қаршимиз!" мавзусида иншолар танлови ўтказилди. Ўқувчилар томонидан ёзилган иншоларни ҳайъат аъзолари одилона баҳолаб, ғолибларни аниқладилар. Унга кўра 40-сонли мактабнинг 10-синф ўқувчиси Қурбонбоева Озодага фахрли 1-ўрин, 62-сонли мактабнинг 10-синф ўқувчиси Шарипова Машҳурага фахрли 2-ўрин ва 27-сонли мактабнинг 11-синф ўқувчиси Сафарбаева Равшанойга фахрли 3-ўрин ғолиблиги берилди. Ушбу ғолибларни тақдирлаш маросимида Қорақалпоғистон Республикаси Мактабгача ва мактаб таълими вазирлиги коррупцияга қарши курашиш бўйича бош мутахассиси Ш.Бабаназарова, Амударё тумани Мактабгача ва мактаб таълими бўлими бошлиғи Я.Шамуратов танлов ғолибларига фахрий ёрлиқ ва эсдалик совғаларни топширдилар.