Нукус шаҳридаги “Ёшлар маркази”да умумтаълим мактабларида ўқувчи ёшларнинг психологик соғлигини муҳофаза қилиш, уларнинг ижтимоий ва интеллектуал ривожланишини таъминлаш, ўқувчиларни касб-ҳунарга йўналтиришнинг замонавий турлари ва шаклларини жорий этиш, мактаб  психологларининг ижодий фаоллигини ошириш, қўллаб-қувватлаш, ўқувчилар орасида жиноятчилик, ҳуқуқбузарлик ва ўз жонига қасд қилиш ҳолатларининг олдини олиш бўйича ҳамкорлик ишларини йўлга қўйиш мақсадида ўтказилган семинарга барча шаҳар, туман халқ таълими бўлимларининг Болаларни ижтимоий-психологик қўллаб-қувватлаш Марказларининг методисти, методист-психологлари ҳамда Президент мактаби, И.Юсупов номидаги ижод мактаби, Ўзбекистон Республикаси мактабгача ва мактаб таълими вазирлиги ҳузуридаги Ихтисослаштирилган мактаблар агентлиги Қорақалпоғистон Республикаси ҳудудий бўлимининг туманлардаги ихтисослаштирилган мактабларининг психологлари иштирок этишди.

Семинарни Қорақалпоғистон Республикаси Вазирлар Кенгаши котибият раҳбари Б.Аймбетов олиб борди. Семинарда Қорақалпоғистон Республикаси Педагогларни янги методикаларга ўргатиш миллий Марказининг катта ўқитувчиси Э.Сулетбаева ўзининг маърузаси билан иштирок этди.

Семинар якунида билдирилган таклифлардан келиб чиқиб, 2023 йилнинг 9-11-март кунлари Президент мактаби, И.Юсупов номидаги ижод мактаби, Ўзбекистон Республикаси мактабгача ва мактаб таълими вазирлиги ҳузуридаги Ихтисослаштирилган мактаблар агентлиги Қорақалпоғистон Республикаси ҳудудий бўлимининг туманлардаги ихтисослаштирилган мактабларининг психологлари ҳамда барча шаҳар, туманлардан 1 нафардан жами 35 нафар психологларимизни ўқитилиши режалаштирилди.

Бундай семинарлар каскад усулида ташкил этилиб, келгусида республикамиздаги барча умумтаълим мактаблари психологлари ўқитилиши режалаштирилиб олинди.