Ózbekstan bilimlendiriw hám ilim xızmetkerleri kásiplik awqamı Qanlıkól rayonlıq bólimshesi keńesiniń 2022-jıl dawamında islengen jumısları hám 2023-jıl wazıypalarǵa arnalǵan Keńeytirilgen jıynalısı boldı. Jıynalısqa baslanǵısh kásiplik awqam shólkemi baslıqları, kásiplik awaqam belsendileri qatnastı.

Jıynalısta Ózbekstan bilimlendiriw hám ilim xızmetkerleri kásiplik awqamı rayonlıq bólimshe baslıǵı M.Qulmuratovtıń esabatı tıńlandı. Atap ótlgenindey, 2022-jıl «Insan qádirin ulıǵlaw hám belsendi máhálle jılı» dawamında, Kásiplik awqamı – puqaralardıń óz jumısı yamasa bilim alıw túrleri boyınsha ulıwma kásiplik mápleri menen baylanıslı bolǵan, olardıń miynetke baylanıslı, basqada sociallıq-ekanomikalıq huqıq hám máplerin sáwlelendiriw hámde qorǵaw boyınsha óz nızamı tiykarında bir qatar nátiyjeli jumıslardı ámelge asırılǵanlıǵı mısallar menen keltirildi.

Ózbekstan bilimlendiriw hám ilim xızmetkerleri kásiplik awqamı rayonlıq bólimshesi keńesine qaraslı 41 baslanǵısh kásiplik awqam shólkemi bolıp, olarda 2023-jıl usı dáwirge 2674 aǵza biriktirilgen.
Jıynalısta Ózbekstan bilimlendiriw hám ilim xızmetkerleri kásiplik awqamı respublika keńesinen R.Abdiraxmanov islengen jumıslarǵa joqarı baha berip elede islenetuǵın jumıslarǵa toqtaldı.

Sonday-aq jıynalısta, jańa redakciyadaǵı Miynet kodeksi haqqında túsinikler berildi. Jańa redakciyadaǵı Miynet kodeksi 2021-jıl 14-oktyabrde Oliy Majlis Nızamshılıq palatası tárepinen qabıl etilip, 2022-jıl 17-martta Senat tárepinen maqullanǵan edi. Bul nızamǵa bıyıl 28-oktyabr kúni Ózbekstan Respublikası Prezidenti tárepinen qol qoyıldı. Hújjet rásmiy járiyalanǵan kúnnen baslap 6 ay ótkennen soń kúshke kiretuǵını belgilengen.

Jańa redakciyadǵı Miynet kodeksi bir qatar jańa tártip-qaǵıydalardı ózinde jámlegeni, házirgi kúnge beyimlestirilgeni, bir qatar nızam hám normativlik-huqıqıy hújjetlerdegi normalarǵa úylestirilgeni menen ayrıqsha áhmiyetke iye. Miynet qáwipsizligin kúsheytiwge qaratılǵan normalar óz kórinisin tapqan, beyimlestirilgen jumıs rejimi degen túsinikler kirgizildi.
Jıynalıs qatnasıwshıları bul baǵdarda ózlerin qızıqtırǵan sorawlarına duwaplar aldı.