Bozataw rayonında jaslar arasında salamat turmıs tárizin qáliplestiriw, sonday-aq, jaslardıń bos waqtların mazmunlı shólkemlestiriw hám jaslar sportın ǵalabalıq rawajlandırıw ushın shárt-sharayatlar jaratıw barısındaǵı jumıslar menen jaqınnan tanısıw maqsetinde media-tur ótkerildi.

Media-turǵa Bozataw rayonı hákiminiń Jaslar siyasatı, social rawajlandırıw hám ruwxıy aǵartıwshılıq isleri boyınsha orınbasarı N.Tóremuratov, ǵalaba xabar quralları wákilleri, blogerler, Bozataw rayonı sport mektebi jámááti, sonday-aq rayonlıq Xalıq bilimlendiriw bólimine qaraslı 1,2,4,5-sanlı ulıwma orta bilim beriw mektebi oqıwshıları hámde jámlespegen jaslar qatnastı.

Media-tur qatnasıwshıları rayonlıq sport mektebinde jaratılǵan qolaylıqlar, sport inventarları, sport dógerekleri, sonday-aq bir qatar sport jarıslarında jeńimpaz bolǵan oqıwshılar haqqında keń túrde maǵlıwmatlarǵa iye boldı.