Дүньядағы ең кишкене китапхана

Китап алып оқыў мүмкин болған ең кишкене китапхана АҚШтың Нью-Йорк көшелериниң биринде қурылған болып, бул китапханада тек ғана бир китапқумар пайдаланыўы ушын орын ажыратылған. Ашық сары реңде пласстмасадан исленген бул ықшам ҳәм өзгеше китапханаға 40 қа шамалас китапларды жайластырыў имканияты бар.

Бул китапхананы шөлкемлестириўден тийкарғы мақсет, турмыстан зеригип жасап киятырған қала турғынларының ўақтын мазмунлы өткериў. Сондай-ақ, оларды қызықтырып, китап оқыўға шақырыў ушын исленген. Және бир мүмкиншиликлерден бири, бул жерден китап алып оқыў бийпул.

Дүньядағы ең үлкен китапхана

Интернет раўажланып, ол глобалласқан сайын китапханалар бираз нәзерден шетте қалып баратырғандай. Бирақ, китапхана китапты сүйиўшилер ушын бәрқулла зия орны болып қала береди. Қалаберсе, китапханаларда сақланып атырған тарийхый мағлыўматлардың бәршесин де интернет тармағында табыўдың илажы жоқ. Үлкен китапханаларда заманагөй китаплар менен бир қатарда әййемги шығармалар да сақланады.

1. Конгресс китапханасы (Вашингтон, 155 миллоннан аслам басылым)

Дүньядағы ең үлкен китапхана. 1800-жылы 24-апрельде тийкар салынған. Алдын оннан тек ғана президент, вице-президент, сенат ҳәм конгресс ағзалары пайдалана алған. 470 тилде 30 миллионнан артық китап, 58 миллион қолжазба сақланады.

2. Британия китапханасы (Лондон, 150 миллион басылым)

1972-жылы Британия парламенти тәрепинен шөлкемлестирилген. Мәмлекетте басып шығарылған ҳәр бир басылым усы китапханаға жибериледи. Бул жерде Леонардо да Винчидиң қолжазбалары сақланады. Күнине 16 мың адамға хызмет көрсетеди.

3. Nyu-York ғалабалық китапханасы (Nyu-York, 53 миллион басылым)

Бул китапхана хызметинен жылына 18 миллион адам пайдаланады.

4. Россия мәмлекетлик китапханасы (Москва, 44 миллион басылым)
5. Қытай миллий китапханасы (Пекин, 27,8 миллион басылым)
6. Канада миллий китапханасы ҳәм архиви (Оттава, 26 миллион аслам басылым)
7. Россия илимлер академиясы китапханасы (Санкт-Петербург, 26 миллион басылым)
8. Немис миллий китапханасы (Франкфурт, Лейпциг, Берлин, 25 миллион басылым)
9. Гарвард университети китапханасы (Кембридж, 16 миллион басылым)
10. Россия илимлер академиясының Илимий мәлимлеме институты китапханасы (Москва, 14,2 миллион басылым)