Bárshemizdiń xabarımız bar, Qaraqalpaqstan Respublikası Mektepke shekemgi hám mektep bilimlendiriw ministrliginiń delegacıya aǵzaları Ulli Britanıya mámleketinde xızmet saparında bolıp turıptı.

Mine búgin Qaraqalpaqstan Respublikasında birinshi márte, bilimlendiriw tarawında úlken innovaciyalıq jańalıq, ulıwma orta bilim beriw mektebinde xalıqaralıq birge islesiw baǵdarlamasın engiziw boyınsha eki tárepleme memorandumı imzalandı.
 

Bunda maqset Nókis qalası 46-sanlı ulıwma orta bilim beriw mektebinde (Progress) xalıqaralıq tán alınǵan Kembridj oqıw baǵdarlaması tiykarında oqıw processin jańa oqıw jılınan baslap jolǵa qoyıw bolıp tabıladı.

Delegaciya aǵzaları xızmeti saparı dawamında Kembridj oqıw baǵdarlamasında oqıtılıp atırǵan mektepler menen jaqınnan tanısadı.