Ózbekstan Respublikasınıń 2024-jıl 5-iyun kúngi «Мápler soqlıǵısıwı haqqında»ǵı Nızamınıń mánis hám mazmunın túsindiriiw, nızamda kórsetilgen talaplardıń orınlanıwı barısı boyınsha úyreniw jumısları alıp barıldı.

Úyreniw nátiyjesi boyınsha Ózbekstan Respublikası Mektepke shekemgi hám mektep bilimlendiriw ministrliginiń isshi topar aǵzaları D.Abuzarov, U.Akmirzayev, Qaraqalpaqstan Respublikası Mektepke shekemgi hám mektep bilimlendiriw ministr orınbasarı M.Shlimetova, ministrliktiń korrupciyaǵa qarsı gúresiw komplaens qadaǵalawdı ámelge asırıw boyınsha bas qánige Sh.Babanazarova, ministrliktiń bólim baslıqları hám rayon(qala)lıq mektepke shekemgi hám mektep bilimlendiriw bólim baslıqları qatnasıwında ashıq sáwbet shólkemlestirildi.

Ashıq sáwbette qatnasıwshılar tárepinen Ózbekstan Respublikasınıń 2024-jıl 5-iyun kúngi «Мápler soqlıǵısıwı haqqında»ǵı Nızam 5 bab, 33 statiyadan ibarat ekenligi, onda kórsetilgen statiyalardıń mánis hám mazmunın túsindirilip ótildi. Sonıń menen birge usı nızamnıń qabıl etiliwne baylanıslı Ózbekstan Respublikasınıń Hákimshilik juwapkershilik haqqındaǵı kodeksine ózgeris hám qosımshalar kiritilip,  193-4 statiyası menen toltırıldı. Mámleket organlarınıń yamasa shólkem lawazımlı shaxsları tárepinen mápler soqlıǵısıwı haqqındaǵı nızamshılıq talapları buzılǵanda hákimshlik juwapkershlik jaza sharaları nızam menen belgilenligi boyınsha keńnen túsinik berilip ótildi.

Ilaj qatnasıwshıları qızıqtırǵan sorawlarına qánigeler tárepinen juwaplardı aldı.