Sociallıq tarmaqlar arqalı "Nókis qalası mektepke shekemgi bilimlendiriw shólkemlerinde dene-tárbiya instruktorları hám muzıka basshılarınıń aylıqlarınıń kóterilmegenligi" boyınsha múrájat járiyalanǵan. 

Járiyalanǵan múrájat boyınsha Qaraqalpaqstan Respublikası Mektepke shekemgi hám mektep bilimlendiriw ministrliginen rásmiy múnásibet.

Ózbekstan Respublikası Prezidentiniń 2023-jıl 26-maydaǵı "Mektepke shekemgi hám mektep bilimlendiriwi ministrligi jáne onıń sistemasındaǵı shólkemlerdiń jumısın nátiyjeli shólkemlestiriw ilajları haqqında"ǵı PP-79-sanlı Pármanı qabıl etilgen.

Pármannıń 3-bántinde 2024-jıl 1-iyunnen baslap mámleketlik mektepke shekemgi bilimlendiriw shólkemleriniń joqarı maǵlıwmatlı pedagog xızmetkerleriniń bazalıq tarif stavkaları ulıwma orta bilimlendiriw mákemeleriniń tiyisli pedagog xızmetkerleriniń  bazalıq tarif stavkalarınıń ámeldegi muǵdarlarına teńlestiriliwi belgilengen.

Ministrler Kabinetiniń 2022-jıl 17-yanvardaǵı 25-sanlı qararınıń 1-qosımshası menen tastıyıqlanǵan "Xalıq bilimlendiriw xızmetkerlerin úzliksiz kásiplik rawajlandırıw sistemasın shólkemlestiriw tártibi haqqında"ǵı Rejeniń 3-bántinde pedagog xızmetkerler - xalıq bilimlendiriw shólkemlerinde tálim-tárbiya jumısın ámelge asırıwshı oqıtıwshı hám tárbiyashılar ekenligi kórsetip ótilgen.

Soǵan bola, mámleketlik mektepke shekemgi bilimlendiriw shólkemleriniń joqarı maǵlıwmatlı pedagog xızmetkerleriniń tárbiyashı, tárbiyashı-metodist hám muǵallimlerdiń bazalıq tarif stavkaları ulıwma orta bilimlendiriw mákemeleriniń tiyisli pedagog xızmetkerleriniń muǵallimler hám tárbiyashılarınıń bazalıq tarif stavkalarınıń ámeldegi muǵdarlarına teńlestirilgen.

Joqarıdaǵılardan kelip shıǵıp, Ministrler Kabinetiniń 2022-jıl 17-yanvardaǵı 25-sanlı qararınıń 1-qosımshası menen tastıyıqlanǵan "Xalıq bilimlendiriw xızmetkerlerin úzliksiz kásiplik rawajlandırıw sistemasın shólkemlestiriw tártibi haqqında"ǵı Reje tiykarında muzıka basshısı hám dene tárbiyası instruktorları pedagog xızmetkerler sanalmaǵanlıǵı sebepli, olarǵa ulıwma orta bilimlendiriw mákemeleriniń tiyisli pedagog xızmetkerleri ushın belgilengen bazalıq tarif stavkaların qollanıw maqsetke muwapıq emes ekenligin málim etip bildiremiz.