Májilistiń kún tártibi boyınsha ministrliktiń bólim baslıǵı I.Qunnazarov sózge shıǵıp ol óz sózinde 2024-2025-oqıw jılında Prezident mektepleri oqıw baǵdarlamaları hám jańa bahalaw sisteması engizilgen ulıwma orta bilim beriw mektepleriniń nátiyjeliligi haqqında aytıp ótti. Málimleme kommunikaciya texnologiyaların engiziw hám sanlastırıw sektorı baslıǵı J.Besinbaev sózge shıqtı. Ol Bilimlendiriw mákemelerinde sanlastırıw, oqıwshılardı xalıqaralıq platformalar arqalı oqıtıw hám de xabar kommunikaciya texnologiyaların engiziw boyınsha ámelge asırılıp atırǵan jumıslar haqqında bayanat jasadı.
Sonday-aq, Bilimlendiriw mákemelerinde tárbiyalıq jumıslardı muwapıqlastırıw sektorı R.Tańirbergenov shıǵıp sóylep, Mektep oqıwshıları arasında júz bergen jınayat hám huqıqbuzarlıqlar jaǵdayı, olardıń aldın alıw boyınsha ulıwma orta bilim beriw mekteplerinde tálim-tárbiya jumısların jetilistiriw haqqında maǵlıwmat berdi. Sonıń menen bir qatarda ministrliktiń Shet tillerin úyreniwdi en jaydırıwdı shólkemlestiriw sektorı baslıǵı Z.Seytjanova, Oqıwshılardı kásipke baǵdarlaw hám psixologik xızmet sektorı baslıǵı E.Nurtaevlar shıǵıp sóylep, olar Ulıwma orta bilim beriw mekteplerinde “Eki shet tili hám bir kásip ónerge úyretiw”diń nátiyjeliligin asırıw boyınsha ámelge asırılıp atırǵan jumıslar haqqında bayanat berdi.

Kollegiya májiliste Qadaǵalaw-talqılaw hám atqarıwshılıq tártibi, múrájatlar menen islesiw sektorı baslıǵı B.Kojanazarov 1-sanlı Kollegiya májilisiniń orınlanıwı hám Ministrliktiń is-júrgiziw hám hújjetlerdiń orınlanıwın qadaǵalaw boyınsha kórsetpesin tastıyıqlaw haqqında keńeytirilgen maǵlıwmat berdi. Májilis dawamında Ellikqala rayonı, Taqıyatas rayonı, Beruniy rayonı mektepke shekemgi hám mektep bilimlendiriw bólimi baslıqları Ellikqala, Taqıyatas hám Beruniy rayonı mektepke shekemgi hám mektep bilimlendiriw bólimleriniń ulıwma orta bilim beriw mekteplerinde bilimlendiriw sapasın asırıw boyınsha 2024-jılǵa mólsherlengen “Jol kartası”nıń orınlanıwı haqqında ózleriniń bayanatları menen qatnastı.

Májiliste sońında Qaraqalpaqstan Respublikası Joqarǵı Keńesiniń komitet baslıǵı Tajibay Romanov, Ózbekstan Kásiplik awqamları Federaciyasınıń Qaraqalpaqstan Keńesi baslıǵı Ulıǵbek Jalmenovlar tarawda alıp barılıp atırǵan reformalarǵa ózleriniń pikir hám usınısların bildirip ótti.

Ilajda kórilgen máseleleri hám olardıń sheshi boyınsha kollegiya aǵzaları menen birgelikte qarar qabıl etilip, orınlanıw tiyis bolǵan wazıypalar belgilenip alındı. Sonıń menen birge Qaraqalpaqstan Respublikası Mektepke shekemgi hám mektep bilimlendiriw ministrliginiń náwbettegi kollegiya májilisi óz juwmaǵına jetti.

Ministrliktiń Málimleme xızmeti