2024-jıl 6-fevral kúni @Kar24.Uz telegram Xojeli rayonı 21-sanlı mektepke shekemgi bilimlendiriw shólkemi tárbiyalanıwshılardı tárbiyashınıń urıw hám basqa usıllar menen zıyan jetkerip atırǵanlıǵı haqqında ata-analar tárepinen járiyalanǵan video postında sáwlelengen waqıyalar boyınsha úyreniw jumısları alıp barılıp, tómendegiler anıqlandı:
Ata-analar tárepinen narazılıǵın bildirgen Allambergenova Nilufar 2018-jıldan 0,5 stavkada tárbiyashı bolıp islep kelgen. Maǵlıwmatı orta-arnawlı.
Video post boyınsha mektepke shekemgi bilimlendiriw shólkeminde Allambergenova Nilufar menen birgelikte islewshi xızmetkerler Toremuratvoa Gulzira, Xalıqbergenova Nigara hám taǵı basqalar menen Allambergenova Nilufardıń topar tárbiyalanıwshıları menen múnásibetleri úyrenilgende Allambergenova Nilufardıń tárbiyalanıwshılardı urǵanlıǵın kórmegenligin hám ata-anaları tárepinen narazılıq halatları bolmaǵanlıǵın bildirip ótti. Tek ǵana tárbiyashı Xaytbaeva Klara menen islegen dáwirinde tárbiyalanıwshı Tajimuratova Gulayımnıń anasınıń «qızımdı urdı» dep shaǵım etip kelgenligin óz túsinik xatında bildirip ótken. (xızmetkerlerdiń túsinik xatları qosa tigiledi)
Ózbekstan Respublikası Mektepke shekemgi hám mektep bilimlendiriw ministrligi janındaǵı Mektepke shekemgi bilimlendiriw agentliginiń 2023-jıl 9-oktyabr kúngi «Mektepke shekemgi bilimlendiriw sistemasında xızmetkerlerdiń tiykarǵı lawazım wazıypaların tastıyıqlaw tuwrısında»ǵı 124-sanlı buyrıǵında mektepke tayarlaw toparında tárbiyashı joqarı maǵlıwmatlı, tiyisli qánigelikke iye bolıwı kórsetilgen. Soǵan qaramastan mektepke tayarlaw toparında orta-arnawlı maǵlıwmatlı tarbiyashılarlar islep kelgen, director tárepinen birjaǵa vakanciyaǵa qoyılmaǵan.
Sonday-aq, mektepke shekemgi bilimlendiriw shólkeminde bos turǵan shtatlar boyınsha rayonlıq bántlikke kómeklesiw orayına maǵlıwmat bermesten, jollamasız Xaytbaeva Klara Kadirbaevna 2023-jıl 
18-oktyabr kúni 297-13-191-DMM/2023-sanlı buyrıǵı tiykarında jumısqa qabıl etilgen.
Shólkemniń 2023-jıl 19-avgustta tastıyıqlanǵan Ustavında tálim tili mámleketlik hám basqa tiller dep belgilengen. Tálim processi ustavta tálim rus tilinde alıp barıladı delinbese de, tálim rus tilinde alıp barılmaqta. Tárbiyashılardıń qánigeligi bilimlendiriw processin rus tilinde alıp barıw ushın lawazım talaplarına juwap bermeydi.
Shólkemde tárbiyalanıwshılardı salamat awqatlandırıw processi hám de qattı hám jumsaq inventarlardı saqlaw boyınsha Bólim tárepinen isshi topar dúzilip, úyreniw jumısları alıp barılıp atırılǵanlıǵın málim etip bildiremiz.