Rásmiy múnásibet

Sociallıq tarmaqlarda «mektep oqıtıwshıları jıllıq miynet dem alısına shıqpastan aldın sırt elge shıǵıw ushın xabarlandırıw kerek»-degen materiyallar jariyalanıp atır. Jariyalanǵan materiallar boyinsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen rásmiy maǵlıwmat sıpatında tómendegilerdi málimleymiz.
Bárshemizge belgili, barlıq ulıwma bilim beriw mekteplerinde oqıtıwshılar jıllıq miynet dem alısın ótemekte. Bul kepillik xatları Ózbekstan Respublikası Mektepke shekemgi hám mektep bilimlendiriw ministrligininń arnawlı xatına tiykar bililmlendiriw mákemelrinde islewshi barlıq xızmetkerlerdiń haq-huqıqların qorǵaw, hár qanday nızam buzılıw jaǵdaylarınıń aldın alıw maqsetinde kepillik xatı alınbaqta.
Usı kepillik xattıń 5-bántinde, «tarawda islewshi xızmetker sıpatında yaǵnıy jumıs islep atırǵan dáwirinde (miynet dem alısınan tısqarı) xalıqaralıq múnásibetlerge kirisiwde yaki shet ellerge shıǵıw ushın tek is beriwshi menen kelisilgen, xabardar etken halda shıǵıw» dep kórsetilgen.
Sonıń menen birge usı kepillik xattıń 6-bántinde «hár qanday maqsetler (xızmet saparı, emleniw, dem alıw, sayahat) menen sırt ellerde bolǵan dáwirlerde shet el el mámleketleriniń nızamshılıǵı boyınsha ulıwmalıq maǵlıwmatlardı biliw, júris-turıs qaǵıydalarınan (etiket)» xabardar  bolıw» dep kórsetilgen. 
Demek,  bul jerde xızmetker tek ǵana jumıs dáwirinde sır ellerge barıp keliw ushın is beriwshini xabardar etiwi kerekligi názerde tutılǵanlıǵın  málim etip bildiremiz.
Sonday-aq, nızamshlıqta hár bir puqaranıń miynet dem alısında den sawlıǵın tiklew ushın emleniw, sayaxat etiw, dem alıw ushın  sırt ellerge shıǵıw huqıqları bar ekenligi kórsetilgen.

QR Mektepke shekemgi hám mektep bilimlendiriw ministrliginiń Málimleme xızmeti