Paytaxtımızdaǵı 22-sanlı  ayırım pánler tereńlestirilip oqıtılatuǵın klası bar ulıwma bilim beriw mektebininde basketbol sport dógereginde oqıwshı jaslar turaqlı túrde shuǵıllanıp kelmekte. Mekteptegi baskebol sport dógeregine dene tárbiyası páni oqıtıwshısı Guljaxan Xalmuratova, futbol sport túri boyınsha bolsa Gúlnaz Kaljanovalar  sportqa qızıǵıwshı oqıwshılarǵa jalıqpay úyretip kelmekte hám bir qatar nátiyjelerdi qolǵa kirgizbekte.
Atap aytqanda, mektep oqıwshıları 5-baslama tiykarında sporttıń basketbol túrinen ótkerilgen «Yoshlik sport jamoalari» sport jarıslarında sıylı  1-orındı iyelep, Ózbekstan kóleminde bolıp ótetuǵın basqıshqa jollama alıwǵa eristi.
Sonday-aq, Qaraqalpaqstan Respublikasında ótkerilgen «Umit nálsheleri», 5-baslama tiykarında ótkerilgen  sporttıń «Stritbol» túrinen 2008-2009-jılları tuwılǵan qızlar arasında sıylı 1-orındı iyelewge miyassar boldı. 

–Basketbol menen shuǵıllanıp atırǵanıma kóp waqıt bolǵan joq, – deydi mekteptiń 10-klass oqıwshısı «Eń jaqsı oyınshı» nominaciyası jeńimpazı Altınay Jubatqanova. Soǵan qaramastan trenerlerimniń nátiyjeli shınıǵıwları sebepli  Qaraqalpaqstan Respublikasında ótkerilgen  bir  qansha jarıslarda jeńimpaz boldım. Keleshekte Aziya hám Jáhán chempionatı jarıslarında  jáne Olimpiada  oyınlarına qatnasıp, elimiz abırayın  kóteriwdi maqset etkenmen. 

Sonı aytıp ótiw orınlı, usı jıl 30-may kúni Nókis qalasında 5-baslama tiykarında sporttıń futbol túri boyınsha ótkerilgen «Mektep ligası» sport jarıslarında sıylı 2-orındı iyelewge miyassar boldı.

Sonday-aq, Qaraqalpaqstan Respublikasında ótkerilgen «Umit nálsheleri», 5-baslama tiykarında ótkerilgen  sporttıń «Stritbol» túrinen 2008-2009-jılları tuwılǵan qızlar arasında sıylı 1-orındı iyelewge miyassar boldı. 

–Basketbol menen shuǵıllanıp atırǵanıma kóp waqıt bolǵan joq, – deydi mekteptiń 10-klass oqıwshısı «Eń jaqsı oyınshı» nominaciyası jeńimpazı Altınay Jubatqanova. Soǵan qaramastan trenerlerimniń nátiyjeli shınıǵıwları sebepli  Qaraqalpaqstan Respublikasında ótkerilgen  bir  qansha jarıslarda jeńimpaz boldım. Keleshekte Aziya hám Jáhán chempionatı jarıslarında  jáne Olimpiada  oyınlarına qatnasıp, elimiz abırayın  kóteriwdi maqset etkenmen. 

Sonı aytıp ótiw orınlı, usı jıl 30-may kúni Nókis qalasında 5-baslama tiykarında sporttıń futbol túri boyınsha ótkerilgen «Mektep ligası» sport jarıslarında sıylı 2-orındı iyelewge miyassar boldı.