Qanlıkól rayonı Mektepke shekemgi hám mektep bilimlendiriw sistemasında islep atırǵan basshı xızmetkerler qatnasıwında «Korrupciyasız bilimlendiriw –keleshegimiz girewi» atamasındaǵı rayonlıq seminar bolıp ótti. Seminardı Qanlıkól rayonı Mektepke shekemgi hám mektep bilimlendiriw bólimi baslıǵı B. Xojamuratov ashıp berdi hám alıp bardı. 
 

            Ózbekstan Respublikası Prezdentiniń 2023-jıl 27-noyabr kúngi «Korrupciyaǵa qarsı gúresiw sistemasın jánede jetilistiriw hámde mámleket organları jumısı ústinen jámiyetshilik qadaǵalaw sisteması nátiyjeligin asırıw is-ilajları haqqında»ǵı PF-200-sanlı Pármanınıń orınlanıwı Ózbekstan Respublikası  Mektepke shekemgi hám mektep bilimlendiriw ministrliginiń 2024-jıl 22-fevral kúngi 05-43-sanlı       2024-jıl ushın korrupciyanıń aldın alıw is-ilajları rejesi hámde korrupciyaǵa qarsı gúresiw islerin jánede arttırıw, pedagoglardıń konstituciyalıq huqıqların qorǵaw, nızam buzılıw jaǵdaylarınıń aldın alıw boyınsha ótkeriletuǵın seminarǵa Qaraqalpaqstan Respublikası Mektepke shekemgi hám mektep bilimlendiriw ministrliginiń korupciyaǵa qarsı gúresiw komplaens qadaǵalawın ámelge asırıw boyınsha bas qánigesi Sh. Babanazarova, Qanlıkól rayonı prokurorı járdemshisi M. Umarov, Qanlıkól rayonı Ishki isler bólimi janındaǵı tergew toparı aǵa tergewshsi, kapitan Q. Sadıkov hám Qanlıkól rayonı mektepke shekemgi hám mektep bilimlendiriw bólimine qaraslı 18-sanlı ulıwma orta bilim beriw mektebiniń huqıq tanıw páni muǵallimi V.Urazbaevalar óz bayanatları menen qatnastı.