ASHÍQ SÁWBET ÓTKERILDI

Muhammed al-Xorezmiy atındaǵı TITU Nókis filialınıń májilisler zalında  Ózbekstan Respublikası Joqarı tálim, pán hám innovaciyalar ministrligi janındaǵı bilim hám mamanlıqların bahalaw agentliginiń Qaraqalpaqstan Respublikası basqarması, Qaraqalpaqstan Respublikası Mektepke shekemgi hám mektep bilimlendiriw ministrliginiń qánigeleri qatnasıwında ashıq sáwbet bolıp ótti.

Ashıq sáwbette qatnasıwshılar tárepinen Qaraqalpaqstan Respublikasında 722 ulıwma orta bilim beriw mektepleri bar bolıp, onnan 11-klasslardı 22880 oqıwshı pitkerip, sonnan 267 oqıwshı Ózbekstan Respublikası hám basqada shet ellerdegi joqarı oqıw orınlarına múddetinen aldın student bolǵan. Al qalǵan pitkeriwshi oqıwshılar joqarı oqıw orınalarına kiriw ushın test sınaqlarına tayarlanıp atırǵanlıǵı haqqında maǵlıwmat berildi. 

Sonıń menen bir qatarda Muhammed al-Xorezmiy atındaǵı TITU Nókis filialınıń kúndizgi, sırtqı hám aralıqtan oqıtıw tálim baǵdarlarında  2023/2024-oqıw jılınıń jazǵı semestrı boyınsha ótkerilgen juwmaqlawshı qadaǵalaw imtixanların ótkeriw tártibi haqqında toqtalıp ótildi.
Sonday-aq, usı jılı joqarı oqıw orınlarına tapsırıwshı abituriyentler ushın tayarlanıp atırǵan test sorawları, ondaǵı qosımshalar, ózgerisler haqqında maǵlıwmatlar berildi.