Búgin Qaraqalpaqstan Respublikası Mektepke shekemgi hám mektep bilimlendiriw ministrligi tárepinen paytaxtımızdaǵı Pedagoglardı jańa metodikalarǵa úyretiw milliy orayında "Korrupciyasız tálim - keleshegimiz girewi" atamasında rayonlıq (qala) mektepke shekemgi hám mektep bilimlendiriw bólim baslıqları arasında tańlaw ótkerildi.

Tańlawǵa Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı A.Erejepov, Qaraqalpaqstan Respublikası prokuror járdemshisi 2-dárejeli yurist S.Bekmuratov, Ádillik ministrligi bóliminiń máslahatshısı J.Ismaylov, ministrliktiń Korrupciyaģa qarsı gúresiw hám ishki qadaģalawdı ámelge asırıw bóliminiń bas qánigesi Sh.Babanazarova qatnastı.
Tańlawǵa 17 rayon (qala) mektepke shekemgi hám mektep bilimlendiriw bólimlerinen 14 bólim baslıqları qatnastı.

Ilaj qatnasıwshıları Ádillik ministrligi tárepinen tayarlanǵan test sorawlarǵa juwap berdi.

Test sınaqlarınıń nátiyjesine kóre 1-orın J.Otejanov Nókis qalası, 2-orın B.Xojamuratov Qanlıkól rayonı, 3-orın Sh.Tadjimuratov Taqıyatas rayonı mektepke shekemgi hám mektep bilimlendiriw bólim baslıqları iyeledi.

Ótkerilgen ilaj ashıqlıq, ádalatlı hám komissiya aǵzalarınıń baqlawında ótkerildi.