RÁSMIY MÚNÁSIBET

Social tarmaqlar arqalı «Tórtkúl rayonı «Ózbekiston» APJ aymaǵındaǵı 33-sanlı ulıwma orta bilim beriw mektebiniń eski imaratınıń buzılıwı…» boyınsha post tarqaldı.

Tarqalǵan post boyınsha Qaraqalpaqstan Respublikası Mektepke shekemgi hám mektep bilimlendiriw ministrliginen Rásmiy múnásibet.

Qaraqalpaqstan Respublikası Mektepke shekemgi hám mektep bilimlendiriw ministrligi tárepinen úyreniw jumısları alıp barıldı.
Úyreniw nátiyjesinde Tórtkúl rayonı «Ózbekiston» APJ aymaǵındaǵı 33-sanlı ulıwma orta bilim beriw mektebiniń eski imaratı 1984-jılda 80 orınlı etip qurılǵan bolıp, búgingi kúnde jaramsız jaǵdayǵa kelip qalǵan. Sol sebebli Ózbekstan Respublikası Prezidentiniń 2023-jıl 25-dekabrdegi PQ-404-sanlı qararına tiykar mámleketlik investiciya baǵdarına kirgizilgen. Jańa mektep imarat qurılıw ushın, jer maydanın bosatıw maqsetinde eski imarattı buzıw jumısları nızamda belgilengen tártipte ámelge asırılǵanlıǵın málim etip bildiremiz.
 
Ministrliktiń Málimleme xızmeti