Búgin Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında "Mekteplerde sonǵı qońıraw keshesiniń ótkeriw tártibi" boyınsha keńeytirilgen jıynalıs bolıp ótti.

Jıynalısta Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, ministrdiń birinshi orınbasarı A.Dauletbaev, ministr orınbasarı M.Shlimbetova, bólim baslıqlar, zoom baǵdarlaması arqalı barlıq rayonlıq mektepke shekemgi hám mektep bilimlendiriw bólim baslıqlar hám mektep direktorları qatnastı.

Ministr G.Kojabaeva tárepinen  mekteplerde sonǵı qońıraw keshesin ótkeriwde qatań belgilengen tártip boyınsha shólkemlestiriw hám birinshi orında oqıwshılardıń qáwipsizligin támiyinlewde hár bir basshı juwapker ekenligi eskertildi.

Sonday-aq, pitkeriwshi oqıwshılardan hár túrli pul jıyımları, restoran, kafe, úylerde, kewil ashar orınlarda hár túrli ilajlardı shólkemlestiriw, suw háwizlerinde shomılıw hám jeńil avtomashınalarda seyil etiw qatań qadaǵan etilgenligi aytıldı.