Qaraqalpaqstan Respublikası Ekonomika hám qarjı ministrliginiń májilisler zalında ashıq sáwbet shólkemlestirildi.

Ashıq sáwbetke Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva, Qaraqalpaqstan Respublikası Ekonomika hám qarjı ministriniń orınbasarı Mardanbek Bekshanov, qala hám rayonlarda mámleket-jeke sherikshilik tiykarında jumıs alıp barıp atırǵan mektepke shekemgi bilimlendiriw shólkemlerin shólkemlestirgen isbilermenler qatnastı.

Ilajda ministr G.Kojabaeva sózge shıǵıp, búgingi kúnde mámleket-jeke sherikshilik tiykarında mektepke shekemgi bilimlendiriw shólkemlerinde jetiskenlikler hám jol qoyılıp atırǵan kemshliklerge toqtaldı.

Atap aytqanda aymaqtaǵı balalardı mektepke shekemgi bilimlendiriw shólkemlerge qamtıp alıw kórsetkishlerin joqarılatıw, mámleket byudjetinen ajıratılıp atırǵan subsidiyalardıń maqsetli isletiliwi hám tarawda ushırasıp atırǵan mashqalarǵa toqtaldı.

Sonıń menen bir qatarda ushırasıp atırǵan qáte-kemshlikler, mashqalarǵa unamlı sheshiw maqsetinde sóylesiwler alıp barıldı.

Isbilermenler tárepinen usınıs hám pikirler bildirildi, isleniwi tiyis bolǵan wazıypalar belgilenip alındı.