Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında «Qaraqalpaqstan Respublikasında balalardı qamtıp alıw kórsetkishin asırıwda mektepke shekemgi bilimlendiriw shólkemlerinde balalarǵa jaratılǵan imkaniyatlar» boyınsha keńeytirilgen májilis bolıp ótti.

Májiliske Ózbekstan Respublikası Mektepke shekemgi hám mektep bilimlendiriw ministrligine qaraslı mektepke shekemgi bilimlendiriw agentligi basqarma baslıǵınıń orınbasarı Gulbahar Parpieva, Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva, ministrliktiń juwaplı qánigeleri, Nókis qalalıq mektepke shekemgi bilimlendiriw shólkem baslıqları hám rayonlıq shólkem baslıqları ZooM baǵdarlaması arqalı qatnastı.
 

Usı jılı 30-aprelden 3-may aralǵında Nókis qalası, Ellikqala, Beruniy, Tórtkúl, Taqıyatas, Taxtakópir, Xojeli, Ámiwdáriya rayonlarında jumıs alıp barılıp atırǵan mámleketlik mektepke shekemgi bilimlendiriw shólkemi jumısları úyrenildi.

Sonday-aq, Ellikqala, Tórtkúl, Beruniy rayonlardaǵı 7 máhálledegi “Аqlvoy” joybarı tiykarındaǵı mobil toparlar iskerligi, oyın maydanshalarında balalar ushın jaratıǵan qolaylıqları da úyrenilip shıǵıldı.

Úyreniw nátiyjesinde aymaqtaǵı balalardı mektepke shekemgi bilimlendiriw shólkemlerge qamtıw alıwda, tálim-tárbiya jumısları, azıq-awqat ónimleriniń beriliwinde qáte-kemshilikler anıqlandı.

Anıqlanǵan kemshiliklerdi saplastırıw boyınsha ministrlik tárepinen anıq wazıypalar belgilenip alındı.