Búgin Taqıyatas rayonı Ruwxıy-aǵartıwshılıq sarayında “Ulıwma orta bilim beriw mekteplerinde tárbiyalıq jumıslar nátiyjeliligin asırıw, sistemalı máseleler hám olardı saplastırıw, keleshektegi joybarlar” temasında ruwxıy-aǵartıwshılıq isleri boyınsha direktor orınbasarları ushın oqıw-seminarı shólkemlestirildi.

Bunda 2024-jıl 26-28-aprel kúnleri Mektepge shekemgi hám mektep bilimlendiriw ministrligi tárepinen Tashkent qalasında ótkerilgen 3 kúnlik oqıw-seminarında oqıp kelgen 6-sanlı ulıwma bilim beriw mektebiniń ruwxıy-aǵartıwshılıq isleri boyınsha direktor orınbasarı Esnazarova Gúlnara tárepinen oqıw dawamında alǵan bilimlerin kásiplesleri menen bólisti.

Ilaj dawamında bilimlendiriw shólkemlerindegi oqıwshı-jaslardı watansúyiwshilik ruwxında tárbiyalaw, olardıń bos waqıtların mazmunli ótkeriw hám jámiyette bolıp atırǵan ózgerislerge oǵan qatnaslılıq sezimi tiykarında tárbiyalaw boyınsha birge islesiwshi shólkemler menen ámelge asırilatuǵın wazıypalar anıq belgilep alındı.