Ózbekstan Respublikası Prezidentiniń 2021-jıl 10-iyun kúni «Qamraw dárejesi pás bolǵan aymaqlarda mektepke shekemgi bilimlendiriw shólkemleri tarmaǵın keńeyttiriw boyınsha qosımsha is-ilajlar haqqında»ǵı PQ-5144-sanlı  qararına tiykar Ózbekstan Respublikası Mektepke shekemgi hám mektep  bilimlendiriw ministrligi hám isbilermen ortasında 2022-jılı 30-sentyabrde shártnama imzalanǵan.
 

Usı shártnamaǵa muwapıq búgin Nókis qalası  «Juwazshı» MPJ aymaǵınan «Robby» firmasına tiyisli 140 orınǵa mólsherlengen «Babby city» mámleket-jeke sherikshlik tiykarındaǵı mámleketlik emes mektepke shekemgi bilimlendiriw shólkeminiń ashılıw máresimi bolıp ótti.
 

Ashılıw saltanatına Qaraqalpaqstan Respublikası Mektepke shekemgi hám mektep bilimlendiriw ministri  Gúlistan Kojabaeva, Nókis qalalıq Mektepke shekemgi hám mektep bilimlendiriw bóliminiń juwaplı qánigeleri, aymaq turǵınları qatnastı.

Bul balalar baqshasınıń qurılısı 2022-jılı baslanǵan bolıp, ońlaw jumıslarına 2 mlrd 600 mln swm qarjı ajıratıǵan.

Máhálle aymaǵınan 8 hayal-qız tárbiyashı hám járdemshi tárbiyashı bolıp jumısqa ornalasqan. Nátiyjede jumıssız júrgen puqaralardıń bántligi támiyinlengen.
 

Shólkemde tárbiyalanıwshılar ushın shet tili, rus tili pán dógerekleri, gimnastika, karate sport túrlerine qatnawı ushın barlıq qolaylıqlar jaratılǵan.