HÚRMETLI USTAZ 70 JASTA

"Ózbekstan hám Qaraqalpaqstan Respublikalarına miyneti sińgen xalıq bilimlendiriw xızmetkeri" húrmetli ataqlarına, "Ózbekstan hám Qaraqalpaqstan Respublikaları xalıq bilimlendiriw aǵlası" kókrek nıshanlar iyesi ullı ustaz Jumamuratov Jeńisbay Sharibay ulı bıyıl 70 jaqstı qarsı aldı.

Yubiley sáneni Moynaq rayonı 2-sanlı ulıwma orta bilim beriw mektebinde shákirtleri, mektep jámááti, oqıwshıları kóterińki ruwxta belgiledi.

Ilajǵa Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı A.Erejepov, Respublikalıq bilimlendiriw orayı baslıǵı Q.Jubanov hám juwaplı wákiller qatnastı.

Dáslep kelgen miymanlar ustazdıń basıp ótken ómir jollarına keńnen toqtaldı. 

"- Izige qaytpaytın ómir kárwanı maǵan úlken sabaqlar berdi. Bir tegis ketpegen jollar, tosınnan sıylıq sıylasa, tosınan sheshimi joqtay qıyınshılıqlardı duslastıradı. - deydi ustaz Jeńisbay aǵa.

Haqıyqatında da ustazdıń bilimlendiriw tarawına qosqan úlesi, mıńlaǵan shákirtlerdi tárbiyalaǵan ustazı, onıń keshirgen keshirmeleri, búgingi jas áwladtıń úlgi alatınday páziyletlerdi jámlegen.

Ilaj juwmaǵında oqıwshılar tárepinen tayaralanǵan koncert baǵdarlaması qoyıp berildi.