Ózbekstan Respublikası Prezidentiniń 2020-jıl 12-avgusttaǵı “Ximiya hám biologiya baǵdarlarında úzliksiz bilim sıpatı hám ilim-pán nátiyjeliligin asırıw is-ilajları haqqında”ǵı qararı menen tastıyıqlanǵan Jol kartasınıń hám Ózbekstan Respublikası Joqarı hám orta arnawlı bilimlendiriw ministrliginiń 2021-jıl 8-sentyabrdegi “Ulıwma bilim beriw mektepleri pitkeriwshi klass oqıwshıları arasında ximiya hám biologiya pán olimpiadasın shólkemlestiriw hám ótkeriw tártibi haqqında”ǵı buyrıǵı tastıyıqlanǵan. Ulıwma orta bilim beriw mektepleri pitkeriwshi klassları arasında kóp basqıshlı olimpiadanı shólkemlestiriw  rejelestirilgen.

Usıǵan muwapıq búgin Nókis qalası 46-sanlı ulıwma orta bilim beriw mektebinde ximiy hám biologiya pánlerinen olimpiadanıń Qaraqalpaqstan Respublika basqıshı ótkerildi.

Onda rayon(qala)lıq basqıshlarında I, II, III orınlardı iyelegen jámi 41 oqıwshı qatnastı.

Usı oqıwshılar arasınan joqarı ball toplaǵan 10 oqıwshı Ájiniyaz atındaǵı Nókis mámleketlik pedagogikalıq institutı basqıshına qatnasıw ushın jollamaǵa iye boladı.

Jeńimpaz bolǵan oqıwshılar haqqında qosımsha maǵlıwmat berildi.