Búgin Qaraqalpaq mámleketlik universitetinde Germaniyalı professor doktor  Renate Burner, shet-tilleri fakulteti nemis tili hám ádebiyatı kafedrası  PhD  docenti  A. Mambetniyazova, aǵa oqıtıwshısı               M.Tájigalieva, Qaraqalpaqstan Respublikası Pedegoglardı jańa metodikalarǵa úyretiw Milliy orayı nemis-francuz tilleri metodisti T.Mambetova menen birgelikte Qaraqalpaq mámleketlik universitetiniń nemis tili oqıtıwshıları ushın ámeliy oqıw seminarı shólkemlestirildi.

Ilajdı ótkeriwdegi tiykarģı maqset oqıtıwshılardıń xalıqaralıq hám milliy sertifikatlarǵa tayarlıq jumısların  ámelge asırıw hám 4 kónlikpeni (lesen, sprechen, schreiben, hóren) oqıwshılarda qáliplestiriw  metodları usınıwdan ibarat.

Seminar dawamında Germaniyalı professor doktor  Renate Burner tárepinen Germaniyada bilimlendiriw tarawında alıp barılıp atırǵan jumıslar menen tanıstırdı. Ol jerde nemis-francuz tilleri oqıtıwshıları student, mektep oqıwshılarına sabaq ótiwde interaktiv usılların aytıp óziniń pikir hám usınısların bildirdi. Sonday-aq, milliy sertifikatlarǵa tayarlıq kóriwde óziniń is tájriybesi menen bólisti.

Ilaj qatnasıwshıları ózleri qızıqtırǵan sorawlarına qánigelerden juwaplar aldı.