Búgin Jaslar isleri agentligi Qaraqalpaqstan Respublikası basqarmasında  Qaraqalpaqstan Respublikası Mektepke shekemgi hám mektep bilimlendiriw ministrligi tárepinen ulıwma orta bilim beriw mekteplerinde “Jasıl mektebim” ekologiyalıq háreketin shólkemlestiriw hám ótkeriw tártibi tiykarında Respublikalıq seminar ótkerildi.

Seminarģa Qaraqalpaqstan Respublikası Mektepke shekemgi hám mektep bilimlendiriw ministrliginiń juwaplı qánigeleri hám barlıq rayon (qala) lıq mektepke shekemgi hám mektep bilimlendiriw  bólimine qaraslı ulıwma orta bilim beriw mektepleri arasınan “Eko lider” mektepleri hám oqıwshıları qatnastı.

Ilajda oqıwshılar “Eko lider” qanday bolıw kerek? olar qanday jumıslardı atqaradı? mektepte ekologiyalıq ortalıqtı qalay qáliplestiriwge boladı? mine usı sorawlarģa qánigelerden tiyisli juwaplar aldı.

Sonday-aq, qatnasıwshılar ushın paytaxtımızda jaylasqan IT parkke sayaxat shólkemlestirildi.

Ol jerde oqıwshılar hám háweskerler ushın jaratılģan imkaniyatlar menen jaqınnan tanıstı.