BIZNES SEMINAR SHÓLKEMLESTIRILDI

Búgin  Qaraqalpaqstan Respublikası Mektepke shekemgi hám mektep bilimlendiriw ministrligi Ózbekstan Sawda-sanaat Palatasınıń Qaraqalpaqstan Respublikası basqarması menen birgelikte isbilermenlik subyektleri qatnasında mámleketlik emes bilimlendiriw xızmetin jolǵa qoyıw, bilimlendiriw tarawına isbilermenlik subyektlerin  qamtıw hám bul baǵdarda isbilermenlerge metodikalıq járdem kórsetiw maqsetinde biznes seminar bolıp ótti.

Seminarǵa ministrliktıń Bilimlendiriw mákemelein licenziyalawdı shólkemlestiriw boyınsha bas qánige R.Uzakbergenov, Mámleket-jeke sheriklikti rawajlandırıw sektorı baslıǵı B.Kamalov, Ózbekstan Sawda-sanaat Palatasınıń Qaraqalpaqstan Respublikası basqarması baslıǵınıń birinshi orınbasarı A.Seytaxov, Qaraqalpaqstan Respublikası Oraylıq banktıń qànigesi A.Abduraxmanov,  «Elektron-onlayn aukcionlardı shólkemlestiriw» Akciyanerlik jámiyeti Qaraqalpaqstan Respublikası wákili R.Esimbetov hám isbilermenler, biznesin baslawshı háweskerler qatnastı.

Seminarda juwaplı xızmetkerler tárepinen jeke menshik ulıwma orta bilim beriw mektepleri hám mektepke shekemgi bilimlendiriw shólkemlerin ashıw, aymaqtaģı balalardı bilimlendiriw mákemlerine qamtıw ushın kerekli maģlıwmatlar beridi.

Sonday-aq, mámleket tárepinen isbilermen bolaman degen hár bir puqaraģa keń imkaniyatlar jaratılģanlıģın aytıp ótti. Atap aytqanda balalar baqshasın ashiw ushın mámleket tárepinen subsidiya ajratılıwı,  óz biznesin baslaw ushın salıq, kommunal tólemler hám bank tárepinen jeńiletilgen kreditler ajıratılģanlıģı boyınsha keńnen túsinikler berildi.

Seminar qızģın dawam etip, isbilermenler ózlerin qızıqtırǵan sorawlarǵa qánigeler tárepinen juwaplar aldı.