Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva Ózbekstan Respublikasındaģı Yaponiya xalıqaralıq birge islesiw agentliginiń koordinatorları Ivata Shoichi hám Odiljon Hasanovlar menen ushırastı.

Ushırasıwda Qaraqalpaqstan Respublikasında mektepke shekemgi hám ulıwma orta bilim beriw mektepleriniń alıp barılıp atırģan jumısları haqqında maģlıwmat berildi. Sonday-aq, ulıwma orta bilim beriw mektep direktorları shet-el gratlarına qatnasıw hám olardı utıp alıw boyınsha da pikirler boldı.

Ministrlik tárepinen Nókis qalasınnan 2 mektep tańlap alındı. Koordinatorlar tárepinen tańlanģan mekteplerde oqıwshılarģa ekinshi shet tili esabında yapon tilin úyretiwdi hám bir kásip baģdarında IT tarawın jolģa qoyıwdı usınıs etildi.

Berilgen usınıs hám pikirler eki tárepleme maqullandı hám isleniwi kerek bolģan wazıypalar belgilenip alındı.