Qaraqalpaqstan Respublikası Ministrler Keńesi, QR Ayrıqsha jaǵdaylar basqarması hám QR Mektepke shekemgi hám mektep bilimlendiriw ministrligi, QR Jaslar isleri agentligi, QR Jaslar awqamı, QR Den sawlıqtı saqlaw ministrligi, Mádeniyat ministrligi menen birgelikte, «Nókis qalası Ayrıqsha jaǵdaylar bóliminde hám Turan stadionında» qala hám rayonlıq basqıshında jeńimpaz bolǵan  ulıwma orta bilim beriw mektep oqıwshıları arasında “Jas qutqarıwshı” jarısı ótkerildi. Mekteplerden dúzilgen komandalar qatnasıp, óz-ara bellesti.

Jarıstı ótkeriwden maqset, jaslardı ayrıqsha jaǵdaylar júz bergende qutqarıw jumıslarında tuwrı háreket etiwge úyretiw, jábirlengenlerge birinshi járdem kórsetiw, qutqarıw ásbap-úskenelerin isletip biliwindegi kónlikpelerin asırıw hám de jaslardı watansúyiwshilik ruwxında tárbiyalaw bolıp esaplanadı. Jarıs juwmaǵında 1-orındı Nókis qalalıq 31-sanlı qànigelestirilgen mektep oqıwshıları, 2-orındı Beruniy rayonındaǵı 54-sanlı mektep oqıwshıları, 3-orındı Shomanay rayonındaǵı 5-sanlı ulıwma orta bilim beriw mektep oqıwshılarınan dúzilgen komandalar iyeledi. Jarıs sońında jeńimpazlar shólkemlestiriwshiler tárepinen sıylıqlandı. Sonday-aq, jarısta sıylı birinshi orındı iyelegen 1-orındı Nókis qalalıq 31-sanlı qànigelestirilgen mektep komandası, Ózbekstan  Respublikası basqıshına jollama aldı.