Búgin Ózbekstan Respublikası Mektepke shekemgi hám mektep bilimlendiriw ministriniń orınbasarı Temurjon Komilov xızmet saparı menen Qaraqalpaqstanģa keldi.
 

Dáslep xızmet saparın Qaraqalpaqstan Respublikası ulıwma orta bilim beriw, mektepke shekemgi hám mektepten tısqarı bilimlendiriw shólkemleriniń pedagogların attestaciyadan ótkeriw processinde qatnastı.

Sonday-aq, paytaxtımızda jaylasqan 1-sanlı hám 37-sanlı ulıwma orta bilim beriw mekteplerinde boldı. Ol jerde oqıwshılar ushın jaratılģan tigiwshilik, ustashılıq, radiouzel, kitapxana hám taģı basqada jaratılģan shárayatlar menen jaqınnan tanıstı. Sabaqtan tısqarı matematika pán dógeregindegi oqıwshılar menen ushırasıp, olar sáwbetlesti.
 

Sonıń menen bir qatarda mektep aymaģındaģı qıytaq jerlerge jaqsı niyet menen terek nállerin otırģızdı.
 

Ilaj dawamında pedagog oqıtıwshılar menen mekteplerde ushırasıp atırģan máseleler boyınsha sáwbetlesip, isleniwi tiyis bolģan wazıypalar belgilenip alındı.