2024-jıl 15-mart kúni Shımbay rayonında Qaraqalpaqstan Respublikası Joqarģı Keńesi baslıģı Amanbay Orınbaev basshılıģında «Mektepke shekemgi hám mektep bilimlendiriw tarawında ámelge asırılıp atırģan ilajlar hám aldaģı wazıypalar» boyınsha keńeytirilgen májilis ótkerilgen edi.

Usı májiliste belgilengen wazıypalardıń orınlanıwın támiyinlew maqsetinde Qaraqalpaqstan Republikası Mektepke shekemgi hám mektep bilimlendiriw ministri Gulistan Kojabaeva rayon(qala)lıq Mektepke shekemgi hám mektep bilimlendiriw bólimlerinde ushırasıw ótkerdi.
 

Ministr G.Kojabaeva Nókis qalası, Beruniy, Tórtkúl, Taxtakópir, Qaraózek, Kegeyli, Bozataw rayonlarında boldı. Ol jerde mektepke shekemgi hám mektep direktorları menen ushırasıp, elimiz basshısı tárepinen belgilep berilgen wazıypalar hám aldaģı rejeler boyınsha pikir hám usınısların bildirdi.
 

Ushırasıw dawamında ayırım rayon(qala)lıq bólim baslıqlar, mektepke shekemgi hám mektep direktorları ózlerine júkletilgen wazıypalarģa nemquralıq penen qaraģanlıģı sınģa alındı.
 

Sonday-aq, ushırasıwda bilimlendiriw taraw xızmetkerleri menen birgelikte isleniw tiyis bolģan wazıypalar belgilenip alındı.

Ministr G.Kojabaeva basshılıģında bunday ushırasıwlar Respublikamızdıń basqa rayonlarında da dawam etedi.