Birinshi qońıraw qaģıldı

Búgin Nókis qalası “Jasıl baģ” MPJ aymaģında jaylasqan 54-sanlı ulıwma orta bilim beriw mektebiniń ashılıw máresimi bolıp ótti.
 

Ashılıw saltanatına Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva, Nókis qalalıq Mektepke shekemgi hám mektep bilimlendiriw bólimi, mektep jámááti, jası úlken nuraniyler, aymaq turģınları hám ǴXQ wákilleri qatnastı.
 

Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva sózge shıģıp, oqıwshı jaslar ushın mektepte jaratılģan imkanıyatların aytıp ótti. Usınday imkanıyatlardan paydalanģan oqıwshılar keleshekte kámil insan bolıp, elge kerekli márt azamat bolıp jetilisiwin tiledi.
 

54-sanlı ulıwma orta bilim beriw mektebi 400 orınģa mólsherlengen bolıp, Tashkent qalası qáwenderligi tiykarında 19 mlrd qarjı ajıratılıp «Gold Star» JShJ tárepinen qurılıs ońlaw jumısları alıp barılģan.
 

QR Mektepke shekemgi hám mektep bilimlendiriw ministrliginiń Málimleme xızmeti