Búgin Qaraqalpaqstan Respublikası Mektepke shekemgi hám mektep bilimlendiriw ministrliginde Qashqadáriya wálayatında ótkerilgen Al-Xorezmiy atındaǵı tábiyiy pánler (fizika, ximiya, biologiya) olimpiadası qatnasıwshıları menen ushırasıw bolıp ótti.

Ilajģa Qaraqalpaqstan Respublikası Mektepke shekemgi hám mektep bilimlendiriw ministr orınbasarı Muxabbat Shlimbetova, Bilimlendiriw orayınıń direktorı Quwanısh Jubanov, pánler olimpiadasında qatnasqan oqıwshılar hám juwaplı xızmetkerler qatnastı.

Ilaj qatnasıwshıları pánler olimpidasında jeńimpaz bolģan Qońırat rayonı 33-sanlı ulıwma orta bilim beriw mektebiniń 7-klass oqıwshısı Sarsenbaev Alidiń jetiskenligi menen qutlıqladı hám qımbat bahalı sawģalar tapsırıldı. Sonday-aq, oqıwshılardıń muģallimlerine ministrlik atınan «Húrmet jarlıģı»  berildi.