Seminarda Qaraqalpaqstan Respublikası Mektepke shekemgi hám mektep bilimlendiriw ministrliginiń Korrupciyaģa qarsı gúresiw hám ishki qadaģalawdı ámelge asırıw bóliminiń bas qánigesi Sh.Babanazarova, Nókis qalalıq Mektepke shekemgi hám mektep bilimlendiriw bólimi baslıģı J.Ótejanov, mektep jámááti hám oqıwshılar qatnastı.
 

Ministrliktiń Korrupciyaģa qarsı gúresiw hám ishki qadaģalawdı ámelge asırıw bóliminiń bas qánigesi Sh.Babanazarova sózge shıģıp, ol búgingi kúnde Korrupciyaģa qarsı gúresiw mámleketlik siyasat dárejesindegi másele ekenligi, hár bir tarawda bunday jınayatlardıń ushırasıp atırģanlıģın aytıp ótti. Sonday-aq, bilimlendiriw tarawında islewshi lawazımlı shaxslar hám islewshi xızmetkerler tárepinen para alıw, para beriw hám mámleket byudjeti qarjılarınıń talan-taraj etiliwi halatları anıqlanģanlıģı hám búgingi kúnde jınayıy juwapkershilik máseleleri kórilip, juwapkershilikke tartılģanlıģı, jınayat jazasız qalmaslıģın aytıp ótti.

Sonday-aq, qánigeler tárepinen jańalanģan konstituciyaģa kirgizilgen ózgerisler haqqında da keńnen túsinik berildi. Oqıwshılar korrupciyalıq halatlardıń ayanıshlı jaģdayı hám ózleriniń huqıq hám erkinlikleri boyınsha sorawlar berip, tiyisli qánigelerden juwaplar aldı.

Soraw-juwapta belsene qatnasqan oqıwshılar shólkemlestiriwshiler tárepinen múnásip xoshametlendi.