Búgin 2024-jıl 1-aprel kúni Respublikamız boylap «Turon mektep teatrı» tańlawına start berildi.
 

Ózbekstan Respublikası Prezidentiniń 2022-jıl 2-fevraldaģı «Mádeniyat hám kórkem-óner tarawın jánede rawajlandırıwǵa qaratılǵan is-ilajları haqqında»ǵı 112-sanlı qararı hám 2024-jıl 15-16-fevral kúnleri Andijan wálayatındaģı saparında respublikanıń barlıq ulıwma orta bilim beriw mektep oqıwshı-jaslar arasında mádeniyat, kórkem-óner tarawın hám teatr studiyaların rawajlandırıw arqalı qábiletli oqıwshılardı anıqlaw, olardı qollap-quwatlaw maqsetinde «Turon mektep teatrı» respublikalıq kórik-tańlawın shólkemlestiriw hám ótkeriw boyınsha tapsırama berilgen. Berilgen wazıypalardı orınlaw maqsetinde paytaxtımızda jaylasqan 1-sanlı Balalar muzika hám kórkem-óner mektebinde tańlawdıń qalalıq basqıshı baslandı.
 

Tańlawdı Qaraqalpaqstan Respublikası Mektepke shekemgi hám mektep bilimlendiriw ministr orınbasarı Muxabbat Shlımbetova ashıp berdi hám qatnasıwshılarģa áwmet tiledi.

Nókis qalasınan jámi 18 ulıwma orta bilim beriw mektep oqıwshılarınan dúzilgen toparlar qatnaspaqta.
 

Bul tańlawdıń rayon(qala) basqıshı usı jıldıń 1-6-aprel kúnleri, Respublikalıq basqishı 30-aprel kúni Qaraqalpaq Jas tamashagóyler teatırında bolıp ótedi.
 

Tańlaw mámleketlik ulıwma orta bilim beriw mektepleriniń 7-10-klass oqıwshıları (8 aǵza) arasında 3 basqıshta hám 3 shárt boyınsha ótkeriledi.

Birinshi shárt: “Biziń mektep” tanıstırıw;

Ekinshi shárt: “Mádeniyat hám kórkem-óner bilimdanı” soraw-juwap;

Úshinshi shárt: “Teatr - ibartxana” saxna spektakli shártleri boyınsha óz-ara bellesedi.

Tańlawdıń barısları haqqında ministrliktiń rásmiy veb-saytı hám sociallıq tarmaqları arqalı tanıstırıp barıladı.