Buxara wálayatında júz bergen jol-transport hádiysesi boyınsha Qaraqalpaqstan Respublikası Mektepke shekemgi hám mektep bilimlendiriw ministrliginde profilaktikalıq úgit-násiyat jumısları alıp barıldı.
 

Ilajģa Qaraqalpaqstan Respublikası IIM Jámiyet qáwipsizlik xızmeti jol háreketi qáwipsizligi basqarması insfektorları B.Ziynelbaev, A.Sársenbaev, Qaraqalpaqstan Respublikası Mektepke shekemgi hám mektep bilimlendiriw ministr orınbasarı M.Shlimbetova hám ZooM arqalı ulıwma orta bilim beriw mekteplerdiń ruwxıy hám aģartıwshılıq isleri boyınsha direktor orınbasarları qatnastı.
 

Qaraqalpaqstan Respublikası IIM Jámiyet qáwipsizlik xızmeti jol háreketi qáwipsizligi basqarması insfektorları tárepinen mektepke shekemgi bilimlendiriw shólkem tárbiyalanıwshıların hám ulıwma orta bilim beriw mektep oqıwshıları qatnasıwında hár túrli sayaxatlargá alıp shıģıwda, birinshi náwbette aymaqlıq ishki isler xizmetkerleri menen birgelikte shólkemlestirilse maqsetke muwapıq boladı. Sebebi oqıwshılardıń qáwipsizligin támiyinlewde birinshi náwbette mektep jámááti hám jol háreketi qáwipsiziliginiń xızmetkerleri tikkeley juwapker ekenligi jáne bir márte eskertildi.