Sóz erkinligi- demokratıyalıq jámiyettiń tiykarģı buwınlarınıń biri esaplanadı. Búgin mámleketimizde málimleme hám ģalaba kommunikaciya tarawında keń kólemli jumıslar ámelge asırılmaqta.

Hár bir tarawdıń ashıq hám aydınlıģın támiyinlew, xalıqımızģa anıq maģlıwmatlardı jetkerip beriwde  ģalaba xabar quralları wákilleri menen ushırasıwlar, sáwbetlesiwler hár túrli ilajlardı ótkeriw maqsetke muwapıq boladı.

Aydınlıq hám ashkaralıqtı támiyinlew maqsetinde búgin Qaraqalpaqstan Respublikası Mektepke shekemgi hám mektep bilimlendiriw ministrligi tárepinen «Tarawdaģı alıp barılıp atırģan reformalar hám aldaģı rejeler» atamasında Baspasóz konferenciyası bolıp ótti.
Bul Baspasóz konferenciyasına Qaraqalpaqstan Respublikası Mektepke shekemgi mektep bilimlendiriw ministriniń birinshi orınbasarı Aybek Dauletbaev, ministr orınbasarı Muxabbat Shlimbetova, ministrliktiń bólim baslıqları hám jergilikli ģalaba xabar quralları wákilleri qatnastı.

Ilajda taraw wákilleri tárepinen 2023-jılda ámelge asırılģan keń kólemli jumıslar haqqında hám 2024-jılda isleniw tiyis bolģan wazıypalar boyınsha maģlıwmatlar berildi.
Maģlıwmat ushın sonıda aytıp ótiw orınlı Qaraqalpaqstan Respublikası Mektepke shekemgi hám mektep bilimlendiriw ministrligi tarawında jámi 2500 bilimlendiriw mákemeleri bar bolıp, sonnan 722 mektep, 18 “Bárkamal áwlad” balalar mektepleri, 1760 mektepke shekemgi  bilimlendiriw shólkemi, olardan 472 mámleketlik, 10 jeke menshik, 99 mámleketlik jeke-menshik sherikshilik tiykarındaģı hám de 1178 shańaraqlıq mámleketlik emes mektepke shekemgi bilimlendiriw shólkemleri quraydı.

ǴXQ tárepinen tarawģa baylanıslı sorawlar berildi. Berilgen sorawlarģa ministrliktiń tiyisli qánigelerinen anıq  juwaplar alındı.
Iljaj juwmaǵında jurnalistler tárepinen  usınıs hám pikirler bildirildi.

QR Mektepke shekemgi hám mektep bilimlendiriw ministrliginiń Málimleme xızmeti