Sociallıq tarmaqlar arqalı “Taxtakópir rayonı Qońıratkól APJ aymaģınan baslawısh klass sanı az dep 1-klass  oqıwshıların 3-klass penen qosıp oqıtılıp atır…” degen post járiyalanģan.

Bul jaģday boyınsha Qaraqalpaqstan Respublikası Mektepke shekemgi hám mektep bilimlendiriw ministrliginiń qadaģalawına alınıp, úyreniw jmısları alıp barıldı.

Úyreniw nátiyjesinde Taxtakópir rayonı  Qońıratkól APJ aymaǵında      Kendirli awılı turǵını  S.T nıń  rayondaģı 22-sanlı ulıwma bilim beriw mektebinde  qızı  2-klassta bilim alıp atırǵanlıǵı anıqlandı. Sociallıq tarmaqlar arqalı bildirgen jaģdaylar boyınsha Ózbekstan Respublikası Xalıq bilimlendiriw ministrligi, Ózbekstan Respublikası Qarjı ministrligi, Ózbekstan Respublikası Den sawlıqtı saqlaw ministrliginiń 2020 jıl  20-iyundaǵı 8-mh, 28, 124/1-sanlı  qararı menen tastıyıqlanǵan «Ulıwma orta bilim beriw mekteplerinde klasslardı komplektlew hám de tarifikaciya dizimlerin qáliplestiriw Nızamın tastıyıqlaw haqqında»ǵı (Ózbekstan Respublikası Ádillik ministrliginiń 2020-jıl 30-iyun kúni 3271-san menen dizimnen ótken) Nızamnıń 2-bap 4-bántinde kórsetilgen oqıwshılar sanı  24 oqıwshıǵa shekem bolǵan eki baslawısh klaslar (I hám III, II hám IV klaslar) komplektlenedi dep kórsetilgen. Bunda maqset Ózbekstan Respublikası Mámleket byudjet qarjıların aqılģa say paydalanıw hám artıqsha qárejetlerge jol qoymaslıq maqsetinde ulıwma orta bilim beriw Nızamda belgilengen ólshemlerden artıq klasslar komplektin shólkemlestiriwge jol qoyılmaytuģın málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti