Búgin Qaraqalpaqstan Respublikası Mektepke shekemgi hám mektep bilimlendiriw ministrliginiń májilisler zalında «Korrupciya jaman illet» atamasında ashıq sáwbet bolıp ótti.

Ashıq sáwbetke Ózbekstan Respublikası Mektepke shekemgi hám mektep bilimlendiriw ministrliginiń Korrupciyaģa qarsı gúresiw hám huqıqıy qadaģalaw bólimi qánigesi E.Xudaybergenov, Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı A.Dauletbaev ministr orınbasarları hám barlıq islewshi xızmetkerler qatnastı.
 

Ózbekstan Respublikası Mektepke shekemgi hám mektep bilimlendiriw ministrliginiń Korrupciyaģa qarsı gúresiw hám huqıqıy qadaģalaw bólimi qánigesi E.Xudaybergenov sózge shıģıp, ol búgingi kúnde Korrupciyaģa qarsı gúresiw mámleketlik siyasat dárejesindegi másele ekenligi, hár bir tarawda bunday jınayatlardıń ushırasıp atırģanlıģın aytıp ótti. Sonday-aq, bilimlendiriw tarawında islewshi lawazımlı shaxslar hám islewshi xızmetkerler tárepinen para alıw, para beriw, mámleket byudjeti qarjılarınıń talan-taraj etiliwi halatları anıqlanģanlıģı hám búgingi kúnde jınayıy juwapkershilik máseleleri kórilip, juwapkershilikke tartılģanlıģı, jınayat jazasız qalmaslıģın aytıp ótti.
 

Ashıq sáwbet dawamında 2024-jılda Korrupsiyanıń aldın alıwda 16 ishki lokal hújjetler menen tanıstırılıp, olardıń mazmunı hám mánisi túsintirildi. Sonıń menen bir qatarda hár bir insanıń ruwxiy dúnyası "Halalıq vakcina"sı menen emlense korrupciyalıq jınayatlardıń aldı alınadı.
 

Ilaj juwmaģında anıqlanģan korrupciyalıq jınayatlar analiz etildi. Qatnasıwshılar tárepinen bunday unamsız illetti joq etiw boyınsha usınıs hám pikirleri tıńlandı.