Ózbekstan Respublikası Mektepke shekemgi hám mektep bilimlendiriw ministrlginiń wákili Alisher Qandalatov hám Qaraqalpaqstan Respublikası Mektepke shekemgi hám mektep bilimlendiriw ministriniń birinshi orınbasarı Aybek Dauletbaev, Taxtakópir rayonı ulıwma orta bilim beriw mektep direktorları qatnasıwında ashıq sáwbet shólkemlestirildi.
 

Ashıq sáwbette  shet tillerin rawajlandırıw, oqıwshılardı inglis tili biliw dárejesi C1 tayarlaw sonday-aq, olardıń joqarı oqıw orınlarına kiriw ushın mánzilli tayarlıq kóriw boyınsha pikirler almasıldı.
 

Bunda rayon orayınan alısta jaylasqan eń shetki aymaqtan 5 mektep tańlap alınıp, hár bir mektepten bir auditoriya ajıratıladı. Ajıratılģan auditoriyalardan inglis tili sabaģın ótiw ushın barlıq qolaylıqlar jaratıladı. Oģan Respublikamızda jumıs islep atırģan oqıw oraylarınıń basshıları menen ministrlik ortasında eki tárepleme shártnama dúziledi hám inglis tili muģallimleri qamtıp alınadı.
 

Oqıwshılar ushın jeńilik jaratıw maqsetinde, oqıw oraylarında aylıq tólemi (vznos) 100 payızlıq etip belgilengen bolsa, al mektepten ashılajaq inglis tili kursı ushın aylıq tólemi (vznos) pulınan 50 payızın tólew rejelestirilmekte.
 

Ministrlik tárepinen berilgen usınıs hám pikirler bir awızdan maqullanıp, inglis tiline qızıģıwshı oqıwshılardı jámlep, olardı C1 dárejesine mánzilli tayarlaw ushın wazıypalar belgilenip alındı.