Qaraqalpaqstan Respublikası Mektepke shekemgi hám mektep bilimlendiriw ministrligi tárepinen Respublikamızdıń barlıq rayonlarda oqıw-seminar shólkemlestirildi.

Oqıw-seminarģa Qaraqalpaqstan Respublikası Mektepke shekemgi hám mektep bilimlendiriw ministrligi, Qaraqalpaqstan Respublikası Pedagoglardı jańa metodikalarģa úyretiw milliy orayınıń qánigeleri hám ulıwma orta bilim beriw mektepleriniń direktor orınbasarları qatnastı.

Bunda tiykarģı maqset Ózbekstan Respublikası Mektepke shekemgi hám mektep bilimlendiriw ministrligi tárepinen «Ulıwma bilim beriw mákemelerinde úziliksiz metodikalıq xızmet kórsetiw jumısların jáne de jetilistiriw haqqında»ģı hám «Muģallimlerdiń aldınģı is tájriybesi hám iskerligi dawamında paydalanıp atırģan zamanagóy metodikalardı en jaydırıw tártibin jetilistiriw haqqında»ģı buyrıqlarınıń mazmun, mánisin ulıwma bilim beriw mektep pedagoglarına jetkeriw bolıp tabıladı.

Seminar qatnasıwshılarına buyrıqtıń mazmun, manisin Qaraqalpaqstan Respublikası Pedagoglardı jańa metodikalarģa úyretiw milliy orayı Metodikalıq xızmet kórsetiw bólimi metodistleri tárepinen tolıq túsintirilip berildi.