Prezidentimizdiń “Jańa Ózbekstan” massivlerin qurıw hám aymaqlarda sociallıq-ekonomikalıq rawajlanıwın támiyinlew is-ilajları haqqında”ģı Pármanı menen Kegeyli rayonı Aqtuba APJ aymaģında “Jańa Ózbekstan” massiv qurılısı baslanģan edi.
 

Búgin “Jańa Ózbekstan” massivnen 180 orınģa mólsherlengen jańa mektepke shekemgi bilimlendiriw shólkemi paydalanıwģa tapsırılıp, ashılıw máresimi bolıp ótti.
 

Ilajģa Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, ministr orınbasarı M.Shlimbetova hám keń jámiyetshilik wákilleri qatnastı.
Respublika byudjeti esabınan 6 mlrd 305 mln qarjı ajıratılģan bolıp, «Granit montaj stroy» JSHJ tárepinen qurılıs ońlaw jumısları ámelge asırıldı.

Shólkem tárbiyalanıwshılar ushın barlıq qolaylıqlar jaratılģan. Olar taza, jaqtı, keń imkanıyatlarģa iye bolģan balalar baqshasında tárbiya aladı.