Qaraqalpaqstan Respublikası Mektepke shekemgi hám mektep bilimlendiriw ministrliginiń isshi topar tárepinen Shımbay rayonındaģı 16-sanlı mektepke shekemgi bilimlendiriw shólkeminde maqsetli úyreniw jumısları alıp barıldı. 

Úyreniw dawamında shólkemniń xojalıq isleri boyınsha direktor orınbasarı E.A óziniń jasaw úyi shólkemge jaqın jerde jaylasqan bolıp, óz úyine 16-sanlı mektepke shekemgi bilimlendiriw shólkem imaratı ishinen tárbiyalanıwshılar krovatı astınan elektr ótkizgish (provod) arqalı óz jasaw úyine elektr energiyasın nızamsız hám de tárbiyalanıwshılardıń ómirine qáwip tuwdıratuǵın jaǵdayda jalǵap qoyǵanlıǵı anıqlandı. 

Nızamsız tartılǵan provodlar ornınan sheshildi, balalardıń ómirin qáwip astına qoyılǵan jaǵdayına shek qoyıldı. Úyreniw dawamında joqarıdaǵı jaǵday boyınsha shólkem xızmetkerlerinen soralǵanda xojalıq isleri boyınsha meńgeriwshisi E.A tárepinen islengenligi anıqlandı. E.A úyreniw dawamında  jumıs ornında tabılmadı. Bul boyınsha tiyisli qanigeler qatnasında akt dúzildi. 
Bul jaģday boyınsha huqıq qorģaw organlarınıń qadaģalawına alınıp, tergew aldı jumısları ótkerilmekte. 
Nátiyjesi menen qosımsha maģlıwmat beriledi.

QR Mektepke shekemgi hám mektep bilimlendiriw ministrliginiń Málimleme xızmeti