Qaraózek rayonı 2-sanlı ulıwma orta bilim beriw mektebinde pitkeriwshilerdiń joqarı oqıw ornına kiriw kórsetkishlerin jaqsılaw maqsetinde Bilim hám mamanlıqlardı bahalaw agentliginiń Qaraqalpaqstan Respublikasındaǵı bólimi hám rayonlıq mektepke shekemgi hám mektep bilimlendiriw bólimi tárepinen pitkeriwshi jaslar ushın diagnostikalıq  test sınawları shólkemlestirildi.
Ilajda rayon hákimi orınbasarı Í.Kosıbaev, Bilim hám mamanlıqlardı bahalaw agentliginiń Qaraqalpaqstan Respublikasındaǵı bólimi baslıǵı M.Abdullaev hám rayonlıq mektepke shekemgi hám mektep bilimlendiriw bólimi baslıǵı A.Kalilaev qatnastı.

Test sınawlarına rayondaǵı mekteplerden jámi 287 oqıwshı qatnasıp, óz bilimlerin sınaqtan ótkerdi. Sonıń menen birge, pitkeriwshi jaslarǵa Ózbekstan Respublikası Prezidentiniń 2019-jıl 14-maydaǵı "Joqarı oqıw orınlarına test sınawları arqalı qabıllaw sistemasın jetilistiriw boyınsha qosımsha is-ilajları haqqında"ǵı PQ-4319-sanlı qararı hám de Ministrler Kabinetiniń 2019-jıl 13-maydaǵı "Joqarǵı oqıw orınlarına oqıwǵa qabıl etiwde milliy hám xalıqaralıq bahalaw sistemaları sertifikatların engiziw ilajları haqqında"ǵı 395-sanlı, 2020-jıl 12-oktyabrdegi "Ulıwma bilim beriw pánlerin biliw dárejesin bahalawdıń milliy test sistemasın engiziw haqqında"ǵı 646-sanlı qararlarınıń mazmun mánisi haqqında tolıq túsinikler berildi.
Bul sıyaqlı ilajlardıń ótkeriliwi pitkeriwshilerimizdiń joqarǵı oqıw orınlarına tayarlıǵın asırıwda óz nátiyjesin bereri anıq.
Rayonda bul baǵdardaǵı jumıslar dawam etedi.