Социаллық тармақлар арқалы Беруний районында жаңа жыл мүнәсийбети менен  "Балалар  далада суўық ҳаўада ойынға түсип атыр..." атамасында пост жәрияланған.

Бул пост бойынша Қарақалпақстан Республикасы Мектепке шекемги ҳәм мектеп билимлендириў министрлигинен
Рәсмий мағлыўмат

Қарақалпақстан Республикасы Мектепке шекемги ҳәм мектеп билимлендириў министрлиги тәрепинен үйрениў жумыслары алып  барылды.

Үйрениў даўамында 2023-жыл 29-декабрь күни  Беруний районы ҳәкимлиги ҳәм Мәденият бөлими ҳәм Рүўхыйлық ағартыўшылық орайы тәрепинен "Президент шыршасы"  жаңа жыл байрамы Ғәрезсизлик майданында өткерилген.
Илаж саат 11:40 ларда басланып, ҳаўа райы 9-10 градус ыссы әтирапында болған. Илаж басланаў ўақтына шекем балалар Жаслар орайының жыллы ханасында отырған. Балалар нәўбети менен  сахна көринисине алып шығылып, тамамланғаннан кейин дәрҳал жаслар орайының жыллы ханасына алып кирип, үстилерине  қалың кийимлери кийгизилип, ата-аналары менен үйлерине қайтарылған.
Өткерилген илаж қатнасыўшыларының ата-аналары менен байланысқанда, олар тәрептен ҳеш қандай шағымы жоқ екенлгин мәлим етип билдиремиз.