Нөкис қаласы 1-санлы айырым пәнлерди тереңлестирип оқытылатуғын классы бар мектебинде «Мениң кәсибим – мениң мақтанышым» атамасында улыӯма орта билим бериӯ мектеп оқыӯшыларын кәсипке бағдарлаӯ бойынша Республика көлеминде әмелий семинар шөлкемлестирилди. 

Әмелий семинарға Қарақалпақстан Республикасы Мектепке шекемги ҳәм мектеп билимлендириӯ министриниң орынбасары М.Шлимбетова, министрликтиң қәнигелери ҳәм Республикамыздағы барлық билимлендириӯ мәкемелериниң хызметкерлери қатнасты.
Илажды өткериӯдеги тийкарғы мақсет, улыӯма орта билим бериӯ мектеплеринде тәлим алып атырған оқыӯшылардың келешекте туӯры кәсип таңлаӯы,  оларға окытыӯшылар тәрепинен кәсип-өнер сырларын тереңнен үйретиӯ ҳәм қызығыӯшылығын арттырыӯ, сондай-ақ, муғаллимлер өз-ара билим ҳәм тәжрийбелерин алмасыӯдан ибарат.
 Усылардан келип шығып илажда тигиӯшилик, WEB дизайнер бағдары, екинши шет тилин үйретиӯ бойынша ашық сабақлар, психологиялық тренинглер өткерилди. 

Семинар шеңберинде тигиӯшилик устаханасының жумыслары менен таныстырыӯ мақсетинде «Қыс ярмаркасы-2024» атамасында мектеп оқыӯшы қызлары тәрепинен тигилген кийимлер, қол өнерлери көргизбеси де болып өтти.
Илаж қатнасыӯшылары оқыӯшылардың қол өнерлеринен таярланған көргизбеге қатнасып, өзлериниң пикир ҳәм усынысларын билдирип өтти.