Қарақалпақстан Республикасы Мектепке шекемги ҳәм мектеп  билимлендириӯ министрлигиниң мәжилислер залында «Коррупцияның алдын алыӯ, оған қарсы гүресиӯ» бойынша семинар болып өтти.

Семинарға Қарақалпақстан Республикасы Мектепке шекемги ҳәм мектеп билимлендириӯ министрниң биринши орынбасары А.Даулетбаев, министр орынбасары А.Ережепов,  Өзбекстан Республикасы Бас прокуратура жанындағы экономикалық жынаятларға қарсы гүресиӯ департаменти Қарақалпақстан Республикасы басқармасы жәмийетшилик пенен байланыслар ҳәм ҳуқықый мәлимлеме бөлиминиң үлкен инспекторы Р.Садиков, министрликтиң Коррупцияға қарсы гүресиӯ комплайенс қадағалаӯды әмелге асырыӯ бойынша бас қәнигеси Ш.Бабаназарова ҳәм министрликтиң хызметкерлери, районлық мектепке шекемги ҳәм мектеп билимлендириӯ бөлими баслықлары қатнасты.
 

 Семинарда ,  Өзбекстан Республикасы Бас прокуратура жанындағы экономикалық жынаятларға қарсы гүресиӯ департаменти Қарақалпақстан Республикасы басқармасы жәмийетшилик пенен байланыслар ҳәм ҳуқықый мәлимлеме бөлиминиң үлкен инспекторы Р.Садиков сөзге шығып,  бүгинги күнде билимлендириӯ тараӯында жумыс ислеӯшы лаӯазымлы шахслар ҳәм ислеӯши хызметкерлер тәрепинен пара алыӯ, пара бериӯ ҳәм мәмлекет бюджет қаржыларына талан тараж етиӯ ҳалатлары көплеп анықланған. Бүгинги күнде жынайый жуӯапкершилик мәселелери көрилип, жуӯапкершиликке тартылғанлығын айтып өтти.
 

Соның менен бир қатарда Қараөзек районы 29-санлы улыӯма орта билим бериӯ мектеп директоры тәрепинен өз лаӯазымынан пайдаланып пуқараны жумысқа жайластырып қойыӯ мақсетинде пул алған ӯақтында ҳуқықты қорғаӯ органлары тәрепинен қолға алынғанлығы ҳәм бүгинги күнде жынаят иси қозғатылғанлы бойынша мағлыӯмат берип өтти.

Семинар қатнасыӯшыларға билимлендириӯдеги тараӯ хызметкерлери тәрепинен Коррупцион жынаятлар яғный пара алыӯ жағдайлары дәлийллер менен қолған алынған видео ролик қойып берилди.
 

Илаж жуӯмағында нызамсыз ислердиң алдын алыӯға қаратылған түсинтириӯ жумысларын шөлкемлестириӯ, пара алыӯ, пара бериӯ жынайый ҳәрекетлердиң ақибети аянышлы ҳалатқа алып келиӯ бойынша семинарлар өткериӯ усыныс етилди.