Нөкис қаласы 29-санлы улыӯма орта билим бериӯ мектебиниң оқыӯшылары арасында Қарақалпақстан Республикасы балалар китапханасына ҳәм «Баркамал әӯлад» балалар мектебине пресс-тур шөлкемлестирилди.

Пресс-тур қатнасыӯшылары барған мәнзиллеринде оқыӯға ҳәм кәсипке бағдарланған дөгереклер, жаратылған имканиятлар менен танысты. Сондай-ақ, «Баркамал әӯлад» балалар мектебине қатнасып атырған қызығыӯшы оқыӯшылар менен танысып сәӯбетлести.

Илажды өткериӯден тийкарғы мақсет, улыӯма орта билим бериӯ мектеп оқыӯшыларының  кәсипке болған қызығыӯшылықларын беккемлеӯ, қәбилетлерин жүзеге шығарыӯ, кәсип-өнер таңлаӯ ҳәм өмирде анық мақсетлер қойыӯ болып есапланады.  

Илаж даӯамында оқыӯшылар өзлерине керекли болған мағлыӯматларды алды.